Оқиға Назарбаев көшесінде түнгі сағат 00:05 шамасында болған. Бір топ жас досын туған күнімен құттықтау үшін оған тосынсый жасап, түнде отшашу ұйымдастырған.
Оқиға орнына келген полицейлер отшашуды ұйымдастырған азаматты анықтап, оған қатысты әкімшілік хаттама толтырды. Айыппұл мөлшері нақтыланбады.
Полиция пиротехникалық бұйымдарды қауіпсіздік талаптарын сақтай отырып, тек арнайы белгіленген орындарда пайдалануға болатынын ескертті. Түнгі уақытта тұрғын үйлердің, ескерткіштер мен өзге де қоғамдық нысандардың маңында отшашу ату азаматтардың тыныштығын бұзып, айналадағы адамдарға қауіп төндіруі мүмкін.
