Өрт Нұрлы ауылынан шамамен 20 шақырым жерде, Іле өзенінің маңындағы ашық аумақта шыққан. Құтқарушылардың жұмысына жердің батпақты болуы, аумаққа жетудің қиындығы және кірме жолдардың болмауы кедергі келтірді.
Өрт сөндіру машиналары мен ауыр техниканы оқиға орнына жеткізу үшін мамандар уақытша жол салды.
Тілсіз жаумен күреске 91 адам, 31 техника және «Қазавиақұтқару» компаниясының екі тікұшағы жұмылдырылды. Әуе техникасы 55 рет су төкті.
Өртті сөндіруге Шелек орман шаруашылығының қызметкерлері де қатысты. Өрттің шығу себебі әзірге хабарланған жоқ.
