Жол-көлік оқиғасы Қарасай ауданының Елтай ауылында болған. Жолда жеңіл автокөлік пен КАМАЗ жүк көлігі соқтығысқан. Қатты соқтығыс салдарынан жеңіл көліктегі әйел адам салонда қысылып, өздігінен шыға алмаған.
Оқиға орнына Төтенше жағдайлар министрлігінің «Барыс» республикалық құтқару қызметінің мамандары келген. Құтқарушылар арнайы авариялық-құтқару жабдықтарының көмегімен көлікте қысылып қалған әйелді қауіпсіз жерге шығарды.
Кейін зардап шеккен әйел жедел жәрдем бригадасына тапсырылды.
Жол-көлік оқиғасының мән-жайы анықталып жатыр.
