Алматыдағы Тұңғыш Президент саябағында жаңғырту жұмыстары басталды. Құрылыс-монтаж жұмыстары жүргізілетін кезеңде саябақ аумағына келушілер кіргізілмейді.
Жоба аясында жаяу жүргіншілер жолдары мен инженерлік желілер жаңартылып, аумақты абаттандыру және көгалдандыру жұмыстары жүргізіледі.
Саябақ аумағында көлемі 4 гектар болатын қарағайлы-қайыңды тоғай пайда болады деп жоспарлануда. Сонымен қатар жалпы саны 5,5 мыңнан астам ағаш отырғызылады.
Жұмыстар жүргізіліп уақытта қала тұрғындары мен қонақтары жақын маңдағы Flow Park демалыс орнында серуендей алады.
Саябақтың жаңғырту жұмыстары қашан аяқталатыны және келушілер үшін нақты қай күні ашылатыны әзірге хабарланған жоқ. Бұл туралы қосымша ақпарат кейін беріледі.
