Операцияны Жетісу облысы полиция департаментінің есірткі қылмысына қарсы іс-қимыл басқармасының қызметкерлері жүргізді.
Жедел-іздестіру іс-шаралары кезінде полицейлер есірткі заттарын заңсыз айналымға шығарды деген күдікпен Талдықорған тұрғынын ұстаған.
Күдіктінің тұрғылықты мекен-жайына санкцияланған тінту жүргізілген. Оның барысында өсімдік тектес зат табылып, тәркіленді.
Сараптама қорытындысы бойынша алынған заттың гашиш екені анықталды. Жалпы салмағы 6 келі 500 грамм болған.
Қазіргі уақытта аталған факті бойынша тергеу жүргізіліп, істің барлық мән-жайы анықталып жатыр.
