Астанада төрт жасар тәрбиеленушінің жарақат алуына байланысты жекеменшік балабақшаға қатысты тергеу жүріп жатыр. Баланың ата-анасы қызынан дене жарақаттарын байқап, құқық қорғау органдарына хабарласқан.
Баланың анасы Еркеназ Көшкінбайдың айтуынша, қызы үш айлық үзілістен кейін балабақшаға қайта барған. Алайда балабақшаға барғанының екінші күнінде ата-анасы баланың денесінен жарақат байқаған.
Анасының сөзінше, тәрбиеші бастапқыда жағдайды «баланың қатты белсенділігімен» байланыстырып, тек ұрысқанын айтқан. Кейін ата-анасына оқиғаның мән-жайы туралы басқа нұсқа айтылған.
Қазір полиция оқиғаның нақты қалай болғанын анықтап жатыр. Аталған факті бойынша қылмыстық іс қозғалған.
Тергеу нәтижесінде оқиғаның барлық мән-жайы белгілі болады.
