Оның сөзінше, депутаттық әдеп талаптары парламент мүшелеріне жұмыс орнында ғана емес, одан тыс жерде де қолданылады.
«Депутат қай жерде жүрсе де, жұмыс орнында немесе Құрылтайдан тыс жерде болсын, депутаттық әдеп талаптарын сақтауға міндетті», — деп түсіндірді Еспаева.
Бұқаралық ақпарат құралдарымен қарым-қатынасқа да жеке талаптар қойылады. Депутаттар көпшілік алдында айтатын мәліметінің анықтығын тексеруге тиіс. Жалған немесе расталмаған ақпарат тарату мәселені арнайы қарауға негіз болуы мүмкін.
Әдеп талаптарын бұзған депутатқа сөгіс жариялау, көпшілік алдында кешірім сұрату, сөз сөйлеу құқығынан айыру немесе бір не үш отырысқа қатыстырмау шаралары қарастырылған. Кей жағдайда ол бір күндік жалақысынан айырылуы мүмкін.
Түскен өтініштер мен шағымдарды Депутаттық әдеп жөніндегі кеңес қарайды. Оның құрамы мен төрағасын Құрылтай бюросының алдағы отырыстарының бірінде бекіту жоспарланып отыр.
Кеңес депутаттарға әдеп нормаларын түсіндірумен де айналысады. Қазіргі шақырылымдағы депутаттардың шамамен 78 пайызы парламентте алғаш рет жұмыс істеп жатыр.
