Өрт Алматы қаласындағы Самал-2 шағынауданындағы тұрғын үйдің 12-қабатындағы пәтерде болған.
Медеу ауданындағы №76 үйде өрт шыққаны туралы «112» қызметіне хабарлама түскен. Өрт сөндірушілер келген кезде пәтер ашық жалынмен жанып жатқан. Өрттің ғимараттың шатырына таралу қаупі болды
Төтенше жағдайлар министрлігінің қызметкерлері құтқару жұмыстары барысында қауіпті аймақтан 10 адамды, оның ішінде үш баланы алып шықты. Тағы 72 адам эвакуацияланды. Олардың арасында сегіз бала және мүмкіндігі шектеулі үш адам бар.
Өрттің ғимарат шатырына таралуына жол берілмеді. Өрт 35 шаршы метр аумақта сөндірілді.
