Құрылтай регламенті туралы Конституциялық заңнама, сот жүйесі және құқық қорғау органдары комитетінің мүшесі Снежанна Имашева баяндама жасады. Құжат депутаттардың дауыс беруімен қабылданды.
Енді заң жобалары үш оқылымда қаралады. Алдымен құжаттың негізгі ережелері талқыланады. Кейін ұсынылған түзетулер егжей-тегжейлі қаралып, соңғы кезеңде заң жобасы бойынша жұмыс қорытындыланады.
Халықаралық шарттарды ратификациялау және олардың күшін жоюға қатысты құжаттар екі оқылымнан өтеді.
Регламентке сәйкес, депутаттар әр сессияда өңірлерге кемінде екі рет баруға тиіс. Құжатта Құрылтай отырыстарын өткізу, дауыс беру және комитеттердің жұмысын ұйымдастыру тәртібі де белгіленген.
