Нью-Йорк мэрі Зохран Мамданидің 11 қыркүйек құрбандарын еске алу рәсіміндегі әрекеті әлеуметтік желіде қызу талқыланды. Тараған видеода ол қаза тапқандардың есімдері оқылып жатқан сәтте күлімсіреп, әңгімелесіп тұрғандай көрінеді.
Рәсім кезінде қаза болғандардың туыстары мінберден құрбандардың есімдерін оқыды. Көптеген қатысушы көз жасына ерік берген тұста Мамданидің күлімсіреген сәті камераға түсіп қалған.
Кадрлар жарияланғаннан кейін бірқатар қолданушы мэрді құрбандар мен олардың отбасыларына құрметсіздік танытты деп айыптады. Әлеуметтік желіде оны қызметінен кетуге шақырған пікірлер де айтылды.
Алайда рәсімге қатысқан, Нью-Йорктің бұрынғы мэрі Руди Джулианидің бұрынғы көмекшісі Майкл Рагуза видеодағы жағдайдың басқаша болғанын мәлімдеді. Оның айтуынша, камера конгрессмен Александрия Окасио-Кортестің Мамданимен амандасқан сәтін ғана түсірген. Ол өзге саясаткерлердің де рәсім кезінде бір-бірімен сөйлескенін атап өтті.
Мамдани рәсімнің соңына дейін қалып, қаза тапқандардың туыстарымен сөйлескен. Оның бұл жағдайға қатысты ресми түсініктемесі әзірге жарияланған жоқ.
