Түркістан облысында полиция қызметкерлері балық инспекциясымен бірлесіп, Шардара су қоймасында заңсыз балық аулады деген екі азаматты анықтады. Олардан 264 келі балық тәркіленді.
Заңбұзушылық бірлескен рейд барысында анықталған. Полиция мәліметінше, азаматтар балық аулау үшін қайық пен балық аулайтын торларды пайдаланған.
Түрлі балықтан тұратын олжамен бірге қайық пен аулау құралдары да тәркіленді.
Қазір оқиғаның барлық мән-жайы анықталып жатыр. Тексеру қорытындысы бойынша қолданыстағы заңнама аясында тиісті шешім қабылданады.
Заңсыз балық аулау деректерін анықтау және жолын кесу бағытындағы рейдтер жалғасуда. Полиция тұрғындарды балық аулау талаптарын сақтауға және табиғи ресурстарға ұқыпты қарауға шақырды.
