Индонезияның көші-қон қызметі туристер көп шоғырланатын Чангу, Умалас және Семиньяк аудандарында арнайы рейд жүргізді.
Операция барысында 13 шетелдік — 12 әйел мен бір ер адам ұсталды. Олардың арасында Қазақстан азаматшасы да бар. Сондай-ақ Ресейдің төрт азаматшасы, Украина азаматы және Нигерияның жеті азаматшасы ұсталған.
Жергілікті биліктің мәліметінше, ұсталғандардың бір бөлігі интимдік қызмет көрсетумен айналысты деген күдікке ілінген. Болжам бойынша, олар клиенттерді WhatsApp мессенджері арқылы іздеген.
Ал Нигерияның жеті азаматшасының визасының мерзімі өтіп кеткені анықталған.
Қазір шетелдіктерге қатысты тексеру жүргізіліп жатыр. Заңбұзушылықтар расталған жағдайда олар Индонезиядан депортацияланып, елге бес жылға дейін қайта кіру құқығынан айырылуы мүмкін. Сондай-ақ билік қылмыстық жауапкершілікке тарту мәселесін қарастырып жатыр.
