Иран басшысы сөз сөйлеумен қатар басқа мемлекеттердің басшыларымен келіссөздер өткізуді жоспарлап отыр. Халықаралық кездесулердің негізгі тақырыптарының бірі Иран төңірегіндегі жағдай болмақ.
Сапар Тегеран мен Вашингтон арасындағы қарым-қатынас шиеленіскен тұста өтеді. Бұған дейін Иран АҚШ-пен келіссөздерді қайта бастау үшін жеті шарт ұсынған. Ұлттық қауіпсіздік жоғары кеңесінің хатшысы Мохсен Резаи елдің бұл мәселеге қатысты ұстанымы өзгермейтінін мәлімдеді.
Тамыз айының соңында Вашингтон Иранның кірістерін шектеуге бағытталған «Экономикалық аластату» операциясын бастады. АҚШ тарапы Тегеранмен ынтымақтастықты, оның ішінде мұнай саудасы мен тасымалын жалғастыратын үшінші елдердің компанияларына қайталама санкциялар енгізетінін де ескертті.
Бұған дейін АҚШ президенті Дональд Трамп журналистердің Бас Ассамблея аясында Пезешкианмен кездесу мүмкіндігі туралы сұрағына жауап берген. Алайда берілген хабарламада екі ел басшысының тікелей келіссөздері жоспарланған-жоспарланбағаны нақтыланбаған.
