Кездесуге Қазақстан теннис федерациясының президенті Болат Өтемұратов та қатысты.
Мемлекет басшысы Рыбакинаның жетістігін Қазақстан спорты үшін тарихи оқиға деп атады. Оның айтуынша, теннисшінің жеңістері елімізде осы спорт түрінің танымал болуына және балалардың тенниске қызығушылығының артуына ықпал етеді.
Президент спортшының Қазақстанның халықаралық аренадағы беделін нығайтуға қосқан үлесін де атап өтті. Сондай-ақ оның корттағы мәдениеті мен жанкүйерлермен қарым-қатынасына ерекше тоқталды.
Елена Рыбакина өз кезегінде Мемлекет басшысына қолдауы үшін алғыс айтты. Теннисші Қазақстан атынан халықаралық жарыстарға қатысуды мақтан тұтатынын жеткізіп, алдағы уақытта да жоғары нәтижелерге қол жеткізуге ұмтылатынын мәлімдеді.
