Бұл туралы үндістандық бұқаралық ақпарат құралдары хабарлады.
34 жастағы маман Үндістанның велоспорттан ұлттық құрамасымен жұмыс істеген.
Жергілікті БАҚ мәліметінше, оған қатысты қылмыстық іс қозғалған. Үндістанның Велоспорт федерациясы тергеу аяқталғанға дейін Аязбаевты қызметінен уақытша шеттетті.
Қазақстанның Велоспорт федерациясы Мақсат Аязбаевтың соңғы жылдары елден тыс жерде үндістандық тараппен жасалған келісімшарт бойынша жұмыс істегенін хабарлады. Қазір оның Қазақстан ұлттық құрамасына қатысы жоқ.
Федерация болжамды оқиғаның Үндістан аумағында болғанын және істі жергілікті құқық қорғау органдары тергеп жатқанын атап өтті.
Қазақстандық федерация құзыретті органдардың ресми мәліметтерін басшылыққа алатынын және тергеу барысына қатысты түсініктеме бермейтінін мәлімдеді.
