Садраддин Алматыда өткен концертінде «ANT» әнін орындап, оны Маңғыстауда қаза тапқан әскери қызметшілердің рухына арнады.
Ән атауының да өзіндік мәні бар. «Ант» сөзі серт, уәде, присяга деген мағынаны білдіреді. Композицияда адалдық, достық, өмірлік сынақтар мен адамның өзіне және өзгелерге берген уәдесі туралы айтылады.
Әндегі жолдардың бірінде: «Ал досымды сатпадым», – деп айтылады. Сондай-ақ туындыда болашаққа деген алаңдаушылық пен қиындықтарға мойымау тақырыбы қозғалған.
«ANT» әні 2022 жылы жарық көрген. Әннің сөзі мен музыкасын Садраддин Болаттың өзі жазған.
Маңғыстаудағы қайғылы оқиғаға және 25 қыркүйекте жарияланған жалпыұлттық аза тұту күніне байланысты әнші Алматыдағы концерттерінің күнін өзгерткен болатын. 26 қыркүйекке жоспарланған концерт 27 қыркүйекке, ал 27 қыркүйектегі концерт 28 қыркүйекке ауыстырылды.
