Бұл туралы журналист Михаил Козачков хабарлады.
Оның мәліметінше, ер адамға қатысты жайттарға Ұйымдасқан қылмысқа қарсы күрес басқармасының қызметкерлері назар аударған. Герр бірнеше ер адаммен бірге бір тұрғыннан ақша талап етті деген болжам бар.
Жәбірленушіні сөйлесуге шақырып, қорқытып, 5 млн теңгеге қолхат жазуға мәжбүрлеген. Сонымен қатар оның жанындағы ақшаны да алып қойғаны айтылады.
Жәбірленуші құқық қорғау органдарына жүгінгеннен кейін «Өзінше билік ету» бабы бойынша сотқа дейінгі тергеп-тексеру басталған.
Иван Герр мен басқа күдіктілерді Ұйымдасқан қылмысқа қарсы күрес басқармасының қызметкерлері Ұлттық қауіпсіздік комитетінің қалалық департаментімен бірлесіп ұстаған. Қазір оларға бұлтартпау шарасын таңдау мәселесі шешіліп жатыр.
БАҚ мәліметінше, Герр шамамен 70 жаста. Ол алғаш рет 1981 жылы сотталып, кейін бірнеше рет қылмыстық жауапкершілікке тартылған.
