Алматыда әл-Фараби даңғылындағы адам өліміне әкелген жол апатынан кейін қылмыстық іс фигуранты болған полиция қызметкеріне үкім шығарылды.
Айыптау тарапының нұсқасы бойынша, ер адам Zeekr жүргізушісі Александр Пактың алкоголь ішкенін білген және оның көлікті қауіпті басқарғанын көрген. Соған қарамастан, Пактың әрі қарай жүруіне кедергі жасамаған.
Сот полиция қызметкерін ауыр зардаптарға әкеп соққан қызметтік әрекетсіздік үшін кінәлі деп таныды. Оған 3 жыл 6 ай бас бостандығынан айыру жазасы тағайындалды. Сондай-ақ мемлекеттік қызметте лауазым атқару құқығынан өмір бойына айырылды.
Қорғаушы тарап айыпталушыны ақтауды сұрады. Адвокаттар оның басқа жүргізушінің әрекетіне араласуға міндеттейтін нақты қызметтік өкілеттігі болмағанын мәлімдеді. Алайда сот бұл уәжбен келіспеді.
Zeekr жүргізушісі Александр Пак бұған дейін 10 жылға бас бостандығынан айырылған. Тергеу оның жол апаты кезінде жеңіл дәрежедегі алкогольдік масаң күйде болғанын анықтады.
Жол апатынан үш адам қаза тапты
