Оқиға 30 қыркүйек күні таңертең болған. Ұшу кезінде Boeing 737 экипажы алдымен жалпы төтенше жағдайды білдіретін халықаралық 7700 кодын, кейін 7500 кодын берген. Соңғы код әуе кемесіне заңсыз араласу, соның ішінде ұшақты басып алу қаупі туындаған жағдайда қолданылады.
Осыдан кейін ұшақ бағытын өзгертіп, Сауд Арабиясына бет алған. Дабылға байланысты Израиль Әскери-әуе күштері жойғыш ұшақтарын әуеге көтерді.
Кейін Flydubai ұшағы Сауд Арабиясына қонды. Израиль премьер-министрі кеңсесінің өкілі Reuters агенттігіне бұл жағдай ұшақты басып алу оқиғасы ретінде қарастырылмайтынын мәлімдеді.
Экипаждың 7700 және 7500 төтенше жағдай кодтарын не себепті бергені әзірге ресми түрде хабарланған жоқ.
