70 келіге дейінгі салмақта сынға түскен 20 жастағы Төрехан Сабырхан финалда Иордания боксшысы Зеяд Ишаишпен кездесті.
Үш раунд бойы Сабырхан қарсыласына мүмкіндік бермей, жекпе-жекті өз бақылауында ұстады. Екінші және үшінші раундта Ишаишке ескерту беріліп, бір-бір ұпайдан шегерілді.
Кездесу қорытындысында төрешілер жеңісті бірауыздан қазақстандық боксшыға берді — 5:0.
Төрехан Сабырханның жеңісі Қазақстан құрамасына Азия ойындарындағы оныншы алтынды әкелді. Сондай-ақ бұл — ел боксшыларының осы додадағы алғашқы алтын жүлдесі.
