Оқиға DOSTAR караокесінде болған. Шығыс Қазақстан облысының Полиция департаменті марқұмның сол сәтте қызметтік міндетін атқармағанын мәлімдеді.
Алдын ала мәлімет бойынша, полиция қызметкері келушілердің біріне ескерту жасаған. Осыдан кейін араларында жанжал туындаған.
Полицей ғимараттан сыртқа шыққан кезде күдікті оның артынан ерген. Далада ол 40 жастағы ер адамның басы мен бет тұсынан аяғымен тепкен.
Алған жарақатынан полиция қызметкері оқиға орнында көз жұмды. Жанжал кезінде караокенің тағы бір келушісі жарақат алған.
Күдікті ұсталып, уақытша ұстау изоляторына қамалды. Оқиға бойынша қылмыстық іс қозғалып, тергеу жүріп жатыр.
Полиция тергеу мүддесіне байланысты өзге мәліметтер әзірге жарияланбайтынын хабарлады.
