Ақорданың хабарлауынша, кездесуде кино саласындағы ынтымақтастық пен қазақстандық және шетелдік продюсерлердің қатысуымен бірлескен жобалар әзірлеу мүмкіндігі сөз болды.
Ерлан Қарин Қазақстанда креативті индустрияны дамытуға және жаңа технологияларды енгізуге ерекше көңіл бөлініп отырғанын атап өтті.
Кездесуге халықаралық киножобаның түсірілім тобы қатысты. Олардың қатарында әлемге әйгілі актер әрі режиссер Джеки Чан да бар.
Әзірге тараптар талқылаған киножобаның мазмұны, түсірілім өтетін орындар мен оған қазақстандық мамандардың қандай деңгейде қатысатыны туралы толық ақпарат жарияланған жоқ.
