Әлеуметтік желіде жарияланған видеода Алматы тұрғыны Айлы жазықта демалушылардан кейін қалған қоқысты көрсетіп, табиғатты ластайтын адамдарға наразылығын білдірген.
«Айлы жазық – табиғаты таза, ерекше әсем жер. Бұл мекеннің өзіне тән аурасы, қасиетті рухы бар. Тауларымыздың басқа жерлеріндегідей, Іле-Алатауы ұлттық паркінде де қоқыс тастауға болмайды. Мұндай әрекетке баратындар қандай адамдар өзі?» – деп жазды ол.
Видео авторы жерге шашылған қоқысты көрсетеді. Кейін оны өзі жинап, қоқыс жәшігіне тастады.
