Бұл туралы иттерді құтқаруға атсалысқан «Дворянское собрание» жануарлар панажайының өкілдері мәлімдеді. Қазір еріктілер иттерді азықпен қамтамасыз етіп, күтім жасап жатыр.
Зооқорғаушылардың айтуынша, жануарларды көшіру оңайға соқпаған. Соңғы бірнеше күнде еріктілер ұйқы көрмей, иттер мен олардың күркелерін тасып, көлік пен көмекші іздеген. Жануарларды орналастыратын орын табу да қиындық туғызған. Бұл жұмысқа қыруар күш пен қаражат жұмсалған.
«Біздің қолымыздан келді», – деді зооқорғаушылар.
Енді еріктілер көшірілген иттердің нақты санын анықтап, оларды вакцинациялау және піштіру жұмыстарын ұйымдастырмақ. Сондай-ақ жануарларға жаңа иелер іздеу жоспарланып отыр.
Еске салайық, бұған дейін Алматы облысында «Твардовский дом» панажайының негізін қалаушы Владимир Тепляковтың өлтірілгені хабарланған еді. Оның қазасынан кейін 90-ға жуық ит қараусыз қалған. Тепляков бұл панажайды 2015 жылы ашып, марқұм ұлының құрметіне атаған.
Қазір иттердің барлығы бұрынғы панажайдан көшірілгенімен, оларды тұрақты баспанамен қамтамасыз ету мәселесі әлі шешілген жоқ.
