Кэти Захария Ақ үйдің баспасөз хатшысы болып ресми тағайындалғаннан кейін журналистер алдында алғаш рет сөз сөйледі. Брифинг барысында ол АҚШ президенті Дональд Трампқа сенім білдіргені үшін алғысын айтып, оның командасында жұмыс істеуді бұрыннан армандағанын жеткізді.
Захария жаңа қызметін үлкен мәртебе санайтынын және тек америка халқының мүддесі үшін жұмыс істеуге ниетті екенін мәлімдеді. Сонымен қатар, әкімшіліктің жаңа спикері бұқаралық ақпарат құралдарының өкілдерімен сындарлы ынтымақтастық орнатуға толықтай дайын екенін білдірді.
АҚШ-тағы алдағы аралық сайлау тақырыбын қозғаған баспасөз хатшысы сайлау науқаны барысындағы белсенділік пен ынтаның жоғары деңгейіне назар аударды. Оның айтуынша, бұл саяси серпіліске Дональд Трамптың қызметі тікелей ықпал етіп отыр.
Еске сала кетейік, бұған дейін Америка көшбасшысы Кэти Захарияны Ақ үйдің баспасөз хатшысы қызметіне ресми түрде тағайындаған болатын. Бұған дейін ол Truth Social әлеуметтік желісі мен Trump Media & Technology Group компаниясында коммуникациялар саласына жетекшілік еткен.
