Украина президенті Владимир Зеленский Ресей президенті Владимир Путинді Адольф Гитлермен салыстыруға келісетінін айтты. Бұл туралы ол британдық журналист Пирс Морганға берген сұхбатында мәлімдеді.
Сұхбат барысында Морган Зеленскийден Путинді «қазіргі заманның Гитлері» деп санауға бола ма деп сұрады. Украина президенті бұл пікірмен келісетінін білдірді.
Журналист бұдан кейін Ресей президентін зұлымдықтың бейнесі деп атауға бола ма деген сұрақ қойды.
«Ол шайтанның өзіндей құдіретті емес», – деп жауап берді Зеленский.
