Оқиға Ақсай қаласында болған. Үш жасөспірімнің серуені кезінде олардың бірі демалысқа арналған орындықтың үстіне секіріп, оны сындырған.
Жасөспірімнің әрекеті Жедел басқару орталығының бейнебақылау камераларына түсіп қалған. Полиция қызметкерлері оның жеке басын анықтап, материалдарды сотқа жолдаған.
Сот шешімі бойынша кәмелетке толмаған жасөспірімнің ата-анасына айыппұл салынды.
Қоғамдық мүлікті бүлдіру қала тұрғындарының ортақ кеңістігіне зиян келтіреді. Мұндай жағдайларда кәмелетке толмағандардың әрекеті үшін ата-аналары да заң аясында жауапқа тартылуы мүмкін.
