Сауд Арабиясының Ішкі істер министрлігі 14 қазан күні Меккедегі мешітте «әдепсіз әрекеттер» жасағаны үшін Бангладештің екі азаматына қатысты өлім жазасы орындалғанын мәлімдеді.
Сот үкімімен екі айыпталушы да ислам құқығындағы та’зир тәртібіне сай ең ауыр жазаға тартылған. Алайда билік өкілдері олардың нақты қандай әрекеті үшін жазаланғанын ашып айтпады. Ал әлеуметтік желілерде бұл адамдар мешіт ішінде құшақтасып, сүйіскені үшін өлім жазасына кесілгені, сондай-ақ әйелдің аяғы ауыр болғаны туралы ақпарат тарады. Бірақ бұл қауесеттер ресми түрде расталған жоқ.
Бангладеш билігі өз азаматтарының өлім жазасына кесілетіні туралы алдын ала хабардар болмағанын алға тартып, Эр-Риядтан ресми түсініктеме мен сот ісінің материалдарын талап етті.
