20 қазан күні «ERG» тобына кіретін «Қазхром» ТҰК» АҚ-на қарасты Дөң тау-кен байыту комбинатының шахтасында кісі өлімімен аяқталған оқыс оқиға тіркелді. Кәсіпорын мәліметінше, қорғаныш бекітпелерін орнату барысында кенеттен тау жынысы опырылып түскен.
Үйінді астында қалған 2002 жылғы үңгілеуші алған ауыр жарақаттарынан оқиға орнында жан тәсілім етті.
Қазіргі уақытта қайғылы оқиғаның мән-жайы мен себептерін анықтау үшін өнеркәсіптік қауіпсіздік мамандарының қатысуымен арнайы комиссия құрылды. Тексеріс жұмыстары толық аяқталған соң, жиналған материалдар тиісті құқықтық шешім қабылдау үшін құқық қорғау органдарына өткізіледі. Компания басшылығы марқұмның жақындарына көңіл айтып, отбасына барлық қажетті көмекті көрсететінін мәлімдеді.
