Елордада төрт жыл бойы қазақстандықтарды алдап келген жеті алаяққа қатысты ауқымды қылмыстық істі тергеу аяқталды, деп хабарлайды SHYNDYK.KZ. Алаяқтар құрбандарына мемлекеттік бағдарламалар арқылы пәтер алуға, жеңілдетілген несиелер мен бизнеске қаржыландыру табуға жәрдемдесеміз деп уәде берген.
Өздерінің заңды жұмыс істеп жатқанына халықты сендіру үшін қылмыскерлер зәулім кеңселер жалдап, жалған коммерциялық ұйымдар тіркеген, сондай-ақ келісімшарттар жасасып, кепілдік хаттар беріп отырған. Оған қоса, қылмыстық топ мүшелері клиенттерін мемлекеттік құрылымдарда лауазымды таныстары бар екеніне сендіріп, көздерін бояған.
Алаяқтардың әрекетінен барлығы 51 адам зардап шегіп, келтірілген шығын көлемі 413 миллион теңгеден асып түсті. Қазіргі уақытта қылмыстық іс материалдары шешім шығару үшін сотқа жолданды.
