Алматылық «Қайраттың» бас бапкері Рафаэль Оразбақтин қызметінен кету туралы өтініш жазып, орнын босатты. Бұл шешім команда Қазақстан чемпионатының алтын медалінен үмітін үзгеннен кейін қабылданды.
Жуырда алматылық клуб сырт алаңда «Ақтөбемен» тең түсіп, чемпион атану мүмкіндігінен айырылған болатын. Нәтижесінде Қазақстан премьер-лигасының жеңімпазы «Ордабасы» атанса, «Қайрат» маусымды күміс жүлдемен аяқтады. Енді бас бапкердің міндетін осыған дейін «Қайрат-Жастар» құрамын жаттықтырған Жора Арутюнян атқарады.
Еске салайық, Рафаэль Оразбақтин «Қайраттың» тізгінін 2024 жылдың қыркүйегінде ұстаған еді. Оның жетекшілігімен команда екі мәрте (2024 және 2025 жылдары) ел чемпионы атанып, Қазақстан Суперкубогын жеңіп алды. Бұған қоса, білікті маман алматылықтарды еурокубоктерде тарихи белестерге жетеледі: клуб тұңғыш рет УЕФА Чемпиондар лигасының жалпы кезеңіне жолдама алса, биылғы 2026 жылғы маусымда Конференциялар лигасының жалпы кезеңіне шықты.
