Өрт елорданың Есіл ауданындағы Сарайшық көшесінде орналасқан тұрғын үй кешенінің автотұрағында болған. Төтенше жағдайлар министрлігінің мәліметінше, электр кабельдері мен автокөлік шиналары жанған.
Оқиға орнына өрт сөндірушілер жетіп, жалынды сөндіруге кіріскен. Ғимаратты түтін басқандықтан, тұрғындарды құтқаруға газ-түтіннен қорғау қызметінің мамандары жұмылдырылған. Олар 32 адамды, соның ішінде 13 баланы қауіпсіз жерге шығарды.
Өрт толық сөндірілді. Алайда жоғары температураның әсерінен автотұрақтағы төрт көлік зақымданған.
ТЖМ мәліметінше, зардап шеккендер жоқ. Өрттің нақты неден шыққаны әзірге хабарланған жоқ.
😀
0
😍0
😢0
😡0
👍0
👎0
