Оқиға сауда орталығының әйелдер дәретханасында болған. Келушілердің бірі көрші кабинадағы жігіттің жоғарыдан сығалап тұрғанын байқап, дабыл қаққан.
Әйелдің наразылығына басқа келушілер де қосылған. Алайда жігіт кабина есігін ішінен жауып алып, сыртқа шығудан бас тартқан. Ақыры оқиға орнына күзет қызметкері шақырылған.
Куәгерлердің айтуынша, жігіт әйелдерді бақылап қана қоймай, телефонға түсірген болуы мүмкін. Келушілердің бірі оның телефонынан дәретханада түсірілген суреттер табылғанын мәлімдеді. Ал жігіт бұл айыптауларды жоққа шығарған.
Атырау облыстық полиция департаменті ер адамның ұсталғанын растады. Ол әкімшілік тәртіппен ұсталғандарға арналған камераға қамалды. Оған ұсақ бұзақылық бойынша құқық бұзушылық жасады деген айып тағылып отыр.
😀
0
😍0
😢0
😡0
👍0
👎0
