Астанадағы балабақшалардың бірінде бір жарым жастағы бүлдіршін ыстық сорпаға күйіп қалды. Оқиға 2 қазанда болған. Анасының айтуынша, баланың денесінің 10 пайызын күйік шалған. Қазір бүлдіршін үйінде ем қабылдап жатыр.
Баланың анасы балабақша басшылығы болған жағдайға жауапкершілік алудан бас тартып, бейнебақылау камераларының жазбаларын бермегенін мәлімдеді. Осыдан кейін әйел полиция мен мемлекеттік органдарға шағымданған.
Полиция балабақша қызметкерінің бала қауіпсіздігін қамтамасыз ету жөніндегі міндеттерін тиісінше орындамауы дерегі бойынша қылмыстық іс қозғады.
Тергеушілер бейнебақылау камераларының жазбаларын тәркілеп, зерделеуге кірісті. Қазір баланың қандай жағдайда күйік алғаны және оқиғаға кімнің жауапты екені анықталып жатыр.
😀
0
😍0
😢0
😡0
👍0
👎0
