Оқыс оқиға Авангард-2 ықшамауданында орналасқан үш қабатты ғимаратқа жапсарлас салынған қазандықта болған. Газ-ауа қоспасының жарылуы салдарынан бір адам түрлі жарақат алып, ауруханаға жеткізілді.
Қатты жарылыс толқыны айтарлықтай материалдық шығын әкелді: жақын маңдағы пәтерлердің терезелері сынып, тұраққа қойылған екі жеңіл автокөлік зақымданған.
Қазіргі уақытта оқиға орнында Төтенше жағдайлар департаментінің, полицияның, жергілікті атқарушы органдардың және ТЖМ Апаттар медицинасы орталығының қызметкерлері жұмыс істеп жатыр. Шұғыл әрекет ету қызметтері апаттың салдарын жоюды жалғастыруда, жарылыстың нақты себебі әзірге белгісіз.
😀
0
😍0
😢0
😡0
👍0
👎0
