Қайғылы оқиға 28 қазан күні Канелонес департаментіндегі Гуасувира ауданында болған. Ұшқыштар алдағы авиашоуға дайындық барысында күрделі маневрлер жасап жатқанда, ұшақтар аспанда бір-біріне жанасып кеткен.
Соғылудан кейін ұшақтардың бірі әуежайдан екі шақырымдай жердегі орманды алқапқа құлады. Оны басқарған 58 жастағы Даниэль Убильос — Уругвай Әскери-әуе күштерінің бұрынғы қызметкері әрі жергілікті Green әуежайының негізін қалаушы — оқиға орнында жан тәсілім етті.
Ал екінші ұшақтың 32 жастағы ұшқышы мүлдем зардап шеккен жоқ. Ол зақымданған әуе кемесінің басқаруын ұстап қалып, оны жерге аман-есен қондыра алды. Қазіргі таңда арнайы авиациялық комиссия сарапшылары апаттың нақты себептері мен мән-жайын анықтап жатыр.
😀
0
😍0
😢0
😡0
👍0
👎0
