Азаматты дәл сол қылмысты жасады деген күдікпен екінші рет ұстау қатаң шарттар сақталғанда ғана жүзеге асады. Конституциялық соттың түсіндіруінше, егер бұған дейін сот қамауға алуға санкция беруден бас тартса, бұл бұлтартпау шарасын істе жаңа мән-жайлар пайда болған жағдайда ғана қайта қолдануға болады.
Сонымен қатар, сот белгілеген мерзім аяқталғаннан кейін адамды жаңа шешімсіз қамауда ұстауға үзілді-кесілді тыйым салынатыны ескертілді. Бұл ретте бұрынғы ұсталған және қамауда болған уақыт міндетті түрде жалпы мерзімге есептелуі тиіс.
Конституциялық сот прокуратура мен сот органдары күдіктің қаншалықты негізді екенін мұқият тексеріп, істің мән-жайына құқықтық баға беруге міндетті екеніне назар аударды. Ал заңбұзушылықтар анықталған жағдайда, олар сот шешімдерінің заңда белгіленген тәртіппен қайта қаралуын қамтамасыз етуі керек.
