Форумға “Ақ жол” Демократиялық партиясының төрағасы, ҚР Құрылтайы төрағасының орынбасары Дания Еспаева, партия төрағасының орынбасарлары, Құрылтай депутаттары, белсенділер мен БАҚ өкілдері қатысты.
Форум барысында сөз сөйлеген “Ақ жол” лидері Дания Еспаева партияның жергілікті мәслихаттардағы депутаттарының жұмысын жоғары бағалап, бірқатарын мемлекеттік наградалар және “Үздік депутат” төсбелгісімен марапаттады.
Форумда партия депутаттарының атқарған жұмыстары қорытындыланып, өңірлердегі кәсіпкерлер мен тұрғындардың мүддесін қорғау бағытындағы тәжірибелер талқыланады. Сонымен қатар алдағы мәслихат сайлауына дайындық мәселелері пысықталды.
Атап өту керек, бұған дейін барлық өңірде партияның облыстық конференциялары өтіп, партиялық тізімдер мен бірмандаттық сайлау округтері бойынша мәслихат депутаттығына кандидаттар бекітілген болатын. Нәтижесінде алдағы сайлауға “Ақ жол” Демократиялық партиясы атынан 370-тен астам кандидат ұсынбақ.
