АҚШ-тың бұрынғы президенті Дональд Трамп Reuters агенттігінің тілшісімен сөз қағыстырып қалды. SHYNDYK.KZ хабарлағандай, жанжалға журналистің Канзастағы сайлауалды митингінің неліктен өтпей қалғаны туралы сұрағы себеп болған. Тілші саясаткер жиі сапарлардан шаршаған болуы мүмкін деп топшылап, оның денсаулығының қалай екенін тікелей сұраған.
Бұған ашуланған Трамп бірден тілшінің жеке басына тиісе бастады. Ол сұхбаттасушысын «ауру» деп атап, Reuters агенттігінің өзін «жиіркенішті» деді. Саясаткер өзін өте жақсы сезінетінін, ал Канзасқа барудан ол жақтағы сайлау науқанының онсыз да тамаша нәтиже көрсетіп жатқаны үшін ғана бас тартқанын кесіп айтты.
Трамп диалогты репортердің сырт келбетін қатал сынаумен аяқтады. Ол журналистің физикалық формасы өте нашар екенін айтып, өзін күтуге кеңес берді және «түрің албастыға ұқсайды» деп тіл тигізді.
