Польшада Конституциялық трибунал төңірегіндегі саяси дағдарыс өршіп тұр. Дональд Туск үкіметі бұрынғы билікші партия тағайындаған жоғарғы судьяларды қызметтен шеттету бойынша қатаң науқанды бастап кетті. Министрлер кабинеті бұл әрекеттерін «заң үстемдігін қалпына келтіру» деп түсіндіріп, соттың «жекеменшікке» айналып кеткенін алға тартуда, деп хабарлайды SHYNDYK.KZ.
Әділет министрі Вальдемар Журек трибунал төрағасы Богдан Свенчковский мен оның орынбасарын қылмыстық жауапкершілікке тарту мақсатында оларды тиіспеушілік құқығынан айыру бастамасын көтерді. Сонымен қатар, ең егде жастағы судья Анна Корвин-Пиотровская қазіргі басшылықты шеттетіп, инстанцияны басқаруды өз қолына алды.
Биліктің бұл әрекеттері көшедегі жаппай наразылықтарға ұласты: трибунал ғимаратына полицияның арнайы жасағы жұмылдырылды. Наразы топ қоршауды бұзып өтпек болып, бірнеше адам тұтқындалды.
Конституциялық трибуналдың өзі үкіметтің іс-әрекетін заңды деп танудан бас тартып, болып жатқан жағдайды ашық түрде «мемлекеттік төңкеріс» деп атады. Жағдайдың одан әрі ушығуына жол бермеу үшін Польша президенті Кароль Навроцкий елдегі ахуалды тұрақтандыру мақсатында барлық парламенттік фракциялармен шұғыл кеңес өткізетінін мәлімдеді.
