Белсенділер мен ауыл тұрғындары әлеуметтік желілерде «Ново-Березовское» кен орнынан өзенге лас судың төгіліп жатқаны бейнеленген видеоларды жаппай жариялап жатыр. Олардың айтуынша, шетелдік компания бұған дейін анықталған заң бұзушылықтардан еш қорытынды шығармаған, сәйкесінше экологиялық талаптарды өрескел бұзу әлі де жалғасуда.
Тұрғындар бұл жағдай қоршаған орта мен өзен экожүйесіне орны толмас зиян келтіреді деп қауіптеніп, жауапты органдардан шұғыл назар аударуды талап етіп отыр.
Осы мәселенің мән-жайын анықтау мақсатында Шығыс Қазақстан облысының экология департаментіне тұрғындардың шағымына қатысты қандай шаралар қабылданатынын сұрап, ресми сауал жолданды.
😀
0
😍0
😢0
😡0
👍0
👎0
