Оқиға елорданың Алматы ауданында болған. 18 және 19 жастағы екі азамат автобус аялдамасының ішінде насыбай атып, жерге түкірген. Бұл әрекеттері бейнебақылау камераларына түсіп қалып, тәртіп сақшылары құқық бұзушыларды жедел анықтады.
Ұсталғандарға қатысты ұсақ бұзақылық және қоғамдық орынды ластау фактілері бойынша әкімшілік хаттама толтырылды. Сот шешімімен жас жігіттерге қоғамдық жұмыстар тағайындалды. Нәтижесінде олар өздері ластаған аялдаманы қолдарына шүберек алып, толықтай тазалап шықты.
Елорда әкімдігі қала тұрғындары мен қонақтарын қоғамдық орындарда тазалық сақтауға және ортақ мүлікке ұқыпты қарауға шақырады. Тәртіп бұзған әрбір азамат заң аясында жауапкершілікке тартылады.
😀
0
😍0
😢0
😡0
👍0
👎0
