Құрылтай депутаты Айдос Сарым Қасым-Жомарт Тоқаевтың жаңа Жолдауына қолдау білдіріп, отандастарына ресми үндеу жасады. Оның айтуынша, жаңа Конституция қабылданғаннан кейінгі Мемлекет басшысының алғашқы стратегиялық құжаты ел тарихындағы сапалы жаңа кезеңді ашып, алдағы онжылдықтарға арналған Отанымыздың даму бағдарын айқындайды.
Депутат әлемдегі күрделі жағдайға қарамастан, соңғы жеті жыл ішінде еліміздің бүкіл саяси жүйесі мен мемлекеттік басқару архитектурасы түбегейлі өзгергенін атап өтті. Сарым Президенттің стратегиялық көрегендігінің арқасында Қазақстан өзін беделді «орта держава» ретінде бекіткенін, ал жүйелі реформалар Әділетті, Қуатты, Таза әрі Озық мемлекет құрудың берік іргетасын қалағанын жеткізді.
😀
0
😍0
😢0
😡0
👍0
👎0
