Салтанатты шара Ақорда резиденциясында өтті. Мемлекет басшысы Қасым-Жомарт Тоқаев Иордания Хашимит Корольдігінің Королі II Абдалла ибн әл-Хусейнді өзі қарсы алды.
Мәртебелі қонақтың құрметіне ерекше бағдарлама ұйымдастырылды. Ақорданың үстінен Қазақстанның Әуе қорғанысы күштеріне қарасты тікұшақтар Қазақстан мен Иорданияның мемлекеттік туларын желбіретіп, көрнекі ұшуды орындады.
Рәсім барысында мемлекет басшылары бір-біріне ресми делегация мүшелерін таныстырды. Құрмет қарауылы ротасының бастығы сәлемдесу рапортын бергеннен кейін, президенттік оркестр екі елдің мемлекеттік әнұрандарын орындап, жоғары деңгейдегі екіжақты келіссөздердің басталғанын білдірді.
😀
0
😍0
😢0
😡0
👍0
👎0
