Желіде таралған кадрлардан Италия астанасында өзге адамдармен бірге отырған, сырт келбеті Дмитрий Пунинге қатты ұқсайтын ер адамды көруге болады. Алайда сот төрелігінен қашып жүрген күдіктінің шынымен де Римде екендігі туралы ресми растама әлі жоқ.
Еске сала кетейік, 4 қарашада ҚМА Дмитрий Пунин мен Марина Ильинаға іздеу жариялаған болатын. Олар қазақстандықтарға бағытталған Pin-Up және Pinco интернет-казиноларының заңсыз қызметін ұйымдастырды деп күдіктелуде.
Тергеу мәліметтеріне сәйкес, қаржылық операцияларды жүргізу үшін банктер мен түрлі қаржы ұйымдарындағы 24 төлем терминалынан тұратын желі пайдаланылған. Заңсыз транзакциялардың жалпы көлемі 106 миллиард теңгеден асқан. Екі күдіктіге қатысты да сот сырттай күзетпен ұстау түріндегі бұлтартпау шарасын санкциялады.
