Қайғылы оқиға Есет батыр тұрғын алабында болған. Ақтөбе облысының Полиция департаментінің алдын ала болжамы бойынша, қанды оқиға тұрмыстық жанжал негізінде орын алған.
Ведомство өкілдері марқұмнан бұған дейін бұрынғы жұбайымен арадағы жанжал туралы ешқандай арыз-шағым немесе хабарлама түспегенін атап өтті. Адам өлтіру фактісі бойынша қылмыстық іс қозғалды. 31 жастағы күдікті құрықталып, уақытша ұстау изоляторына қамалды. Қазіргі уақытта қажетті тергеу амалдары жүргізілуде, өзге ақпарат тергеу мүддесіне сай жария етілмейді.
Айта кетейік, бұл Ақтөбеде соңғы бірнеше күн ішінде болған осындай екінші қылмыс. 3 қарашада Неке сарайының ғимаратында тағы бір 26 жастағы жергілікті тұрғын өлтіріліп, оның артында төрт баласы жетім қалған еді.
SHYNDYK.KZ редакциясы қоғамды дүр сілкіндірген қос қылмыстың барлық мән-жайын анықтау үшін облыстық Полиция департаментіне ресми сауалнама жолдады.
