Қайғылы оқиға 6 қараша күні Ақтау – Қаламқас тасжолының 170-171 шақырымында, аялдама маңында болған. Жергілікті Lada.kz басылымының хабарлауынша, марқұм «Маңғыстаумұнайгаз» компаниясында вахталық әдіспен жұмыс істейтін мұнайшы болып шықты.
Алдын ала мәліметтер бойынша, Daewoo маркалы жолаушылар автобусының жүргізушісі ер адамды жолдың екінші бетіне өтіп бара жатқан кезінде қағып кеткен. Жаяу жүргінші өмірмен үйлеспейтін ауыр жарақаттар алып, сол жерде жан тәсілім етті.
Маңғыстау облысының Полиция департаменті адам өліміне әкеп соққан жол-көлік оқиғасы бойынша қылмыстық іс қозғалғанын хабарлады. Қазіргі уақытта жолаушылар көлігі арнайы айыптұрағына қойылды. Тергеушілер оқиғаның барлық мән-жайын анықтап жатыр.
😀
0
😍0
😢0
😡0
👍0
👎0
