5 қарашада әлемдегі ең танымал әрі ауқатты қаржылық әулеттің өкілі ешқандай қосымша түсініктеме берместен, небәрі бір ғана: «Life can change in a blink» («Өмір қас-қағым сәтте өзгеруі мүмкін») деген сөйлем қалдырған.
Ротшильдтер отбасының ғасырлар бойы әлемдік экономикада басты рөл атқарып келе жатқанын және олардың есімі жиі түрлі қастандық теорияларында аталатынын ескерсек, мән-жайдың ашылмауы жұрттың қызығушылығын одан сайын арттырды. Пікір қалдырушылар Таяу Шығыстағы жағдайдың ушығуынан бастап, ғаламдық жарықтың өшуіне (блэкаут), интернеттің бұғатталуына немесе COVID-19 пандемиясы іспеттес жаңа қауіпті вирустың таралуына дейінгі қорқынышты болжамдарын жарыса жазуда.
Нат Ротшильдтің өзі бұл шулы жазбасына қатысты әзірге үнсіз. Сондықтан бұл жай ғана философиялық ой толғау ма, әлде әлем жұртшылығына арналған жасырын ескерту ме деген сұрақ әлі де ашық күйінде қалып отыр.
