Қайғылы оқиға 9 қарашада Измир провинциясының Алиаға ауданында орналасқан металлургия кәсіпорнында болған.
Алдын ала мәлімет бойынша, апат қазандықты ауыстыру жұмыстары кезінде болған. Көпірлі кран үзіліп, электрдоғалы пештің үстіне құлаған. Соның салдарынан газ құбыры зақымданып, қуатты жарылыс болған. Артынша зауыт аумағында өрт шыққан.
Апат салдарынан 17 адам көз жұмып, тағы 13 адам түрлі дәрежеде жарақат алған. Зардап шеккендердің екеуінің жағдайы ауыр деп бағаланып отыр.
Қайғылы оқиғаға байланысты тергеу басталып, бес адам ұсталды.
Құқық қорғау органдары жарылыстың нақты себептерін, сондай-ақ кәсіпорында өндірістік қауіпсіздік талаптарының қаншалықты сақталғанын анықтап жатыр.
😀
0
😍0
😢0
😡0
👍0
👎0
