Президенттің сөзінше, мемлекеттік тілді дамыту елдегі өзге тілдердің дамуына кедергі келтірмеуі керек. Қазақ тілін басқа тілдерге қарсы қоюға жол беруге болмайды.
«Қоғамды жікке бөліп, жанжал туғызу мақсатында тіл мәселесін пайдаланатын арандатушылардың әрекеті аса қауіпті. Сондықтан мұндай адамдарды «Заң мен тәртіп» қағидатына сәйкес жауапқа тарту қажет», – деді Мемлекет басшысы.
Тоқаев қандай да бір тілге қарсы шығу Жаратқанның адамзатқа берген сыйына қарсы шығумен тең екенін де атап өтті.
Президент қазақ тілін ел бірлігі мен қоғамдық келісімнің тілі ретінде дамыту қажеттігін айтты.
Мемлекет басшысы тіл мәселесі қоғамды бөлудің емес, халықты біріктірудің құралы болуы тиіс екенін жеткізді.
😀
0
😍0
😢0
😡0
👍0
👎0
